Tað hevur ljóðað í dag, at Liljan Weihe, tíðindaleiðari, varð vend í hurðini, tá hon í morgun kom á fundi við stjóran í Kringvarpinum. Vit hava tó ikki fingið hesi tíðindini váttað. Men nú skrivar in.fo, at tey frá sakføraranum hjá Liljuni hava fingið váttað, at hon aftur hevur fingið eina uppsøgn frá stjóranum.

“Liljan hevur fingið boð um, at ætlanin er, at hon skal úr starvinum sum tíðindaleiðari í KVF, hóast Mentamálaráðið júst hevur staðfest, at hennara uppsøgn úr hesum starvinum er ógildað, og at hon framvegis er tíðindaleiðari,” sigur Sigmund Poulsen, sakførari, við in.fo.

Sakførarin sigur, at æltanin hjá stjóranum er, at Liljan Weihe skal flytast í annað starv í KVF, og at stjórin við hesum vil revsa frákoyrda tíðindaleiðaran fyri ávís viðurskifti, sum eru nevnd í niðurstøðuni hjá Mentamálaráðnum.

Liljan Weihe hevur 14 daga hoyringsfreist í sambandi við nýggju uppsøgnina.