Lítil vindur men kalt
Veðrið frá DMI.
Veðurlagið:
Eitt lágtrýst 993 hPa, yvir Norskahavinum liggur næstan stilt meðan tað grynnist. Eitt annað minni lágtrýst, 995, hPa, í ein landsynning úr Føroyum, flytur seg eystureftir. Eitt veikt brúgvalag við nakað av regni liggur yvir syðru oyggjunum, men tað flytur seg í ein landsynning. Seinni fáa vit høgætt við kaldari luft.
Veðurvánirnar:
Gul til andøvsgul av norði, 4 til 7 m/s, í løtum upp til frískan vind, 10 m/s. Tað verður skýggjað fyri tað mesta og einstøk æl, men út á dagin verður turt fyri tað mesta og nakað av sól. Hitin fer at liggja millum 4 og 6 stig. Í nátt minkar vindurin til lot til andøvsgul av útnyrðingi, 3 til 6 m/s. Tað verður skiftandi skýloft og møguleiki fyri einstøkum ælum. Hitin fer at liggja millum frostmarkið og 3 stig, onkrastaðni kann eisini frysta.
Veðrið fríggjadagin:
Lot til andøvsgul av norðri og útnyrðingi, 3 til 7 m/s. Út á seinnapartin vveksur vindurin til gul til frískan vind av norðri, 5 til 10 m/s. Tað verður nakað av sól ella sólglottar, men eisini einstøk æl, sum onkrastaðni kunnu verða sum vátaslettingur ella kavi. Hitin um dagin fer at liggja millum 4 og 6 stig, um náttina millum 2 og 4 stig. Onkrastaðni niður móti frostmarkinum.
Veðrið leygardagin:
Gul til frískan vind av norðri, 5 til 10 m/s, um út á dagin minkar til lot til andøvsgul, fyrst av norðri, men móti náttini av ymsum ættum, 2 til 7 m/s. Tað verður turt fyri tað mesta og ltur við nakað av sól. Hitin um dagin fer at liggja um 5 stig, um náttina millum 1 og 5 stig.
Og veðrið sunnudagin:
Vindurin veksur sum frá líður og verður til gul til frískan vind av útsynningi, 5 til 10 m/s. Tað verður turt fyri tað mesta og nakað av sól, men móti náttini verður meira skýggjað. Hitin fer alt samdøgrið at liggja millum 3 og 7 stig.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur