Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Løgmaður fyri tey útvaldu

Lesarabrøv, Politikkur | 28/04-2018 20:28

Eftir at løgtingskvinna hevur átalað løgmann fyri hansara ætlan at seta Pro-Vita ráðstevnuna 27. apríl, hevur løgmaður kúvent og boðað frá, at hann hóast alt ikki kann seta ráðstevnuna. Orsøkin er, at tann eini fyrilestrahaldarin hevur víðgongd og harðrend sjónarmið, sum stríða grundleggjandi ímóti tí, løgmaður stendur fyri.

Vit hava skrivi-, talu- og hugsunarfrælsi í Føroyum. Øll sjónarmið, sum ikki eru revsiverd, hava sama rætt at verða hoyrd. Um umtalaði fyrilestrahaldari ber fram revsiverd sjónarmið, hevði hann neyvan fingið innbjóðing frá Pro-Vita. Men løgmaður velur og vrakar, hvønn hann er løgmaður fyri. Nøkur eru nóg góð, meðan onnur ikki eru verd eina løgmansvitjan. Hetta er ikki løgmanni verdugt. Ein løgmaður eigur altíð at kunna møta øllum føroyingum, bæði samhugaðum og teimum við mótstríðandi sjónarmiðum. Tað er fáur løgmaður, sum í røðum og brøvum hevur talað so heitt fyri samanhaldi, samhuga, samhaldsfesti og samstarvi sum sitandi løgmaður. Men váti vøtturin til tey, sum ynskja at verja tey mest verjuleysu, boðar hvørki frá samstarvi ella samanhaldi.

Ongin væntar ella krevur av løgmanni, at hann skal taka undir við teimum, hann røður fyri. Tað hevur neyvan heldur ligið í kortunum hjá felagsskapinum Pro-Vita. Men fyri tað er hann løgmaður hjá øllum føroyingum, eisini teimum í Pro-Vita. Og løgmaður kundi sjálvandi nýtt høvið til at víst á síni egnu sjónarmið undir setanini av ráðstevnuni. Vit hava enn talu-, skrivi- og hugsunarfrælsi í Føroyum. Tað merkir, at fólk við mótstríðandi sjónarmiðum hava sama rætt at taka til orðanna undir sama taki.

Løgmaður er raskur at møta upp, tá Løgtingið skal setast. Í Løgtinginum finnast eisini fólk, sum løgmaður er grundleggjandi ósamdur við. Og sum í eygum løgmans bæði eru harðrend og víðgongd. Men fyri tað bakkar løgmaður ikki út. Og somuleiðis er løgmaður sum heild raskur at møta upp, tá boð eru eftir honum, eitt nú til at halda flaggrøður og 1. maidagsrøður. Munnu ikki fleiri vera millum áhoyrararnar, sum hava bæði harðrend og víðgongd sjónarmið? So leingi sjónarmiðini verða sjónarmið og ikki verða umsett til harðrenda og víðgongda atferð, hava tey sama tilverurætt sum øll onnur sjónarmið.  

Tað var eitt mistak, at løgmaður við nevndu grundgevingum ikki vildi seta ráðstevnuna. Harvið hevur hann sett nøkur fólk uttanfyri felagsskapin, sum hann er løgmaður fyri. Tað er álvarsligt. Tað vekir harmakenslur í fólki. Tað tænir ikki felagsskapinum, samansjóðingini og samstarvinum. Tað spjaðir og eggjar til øsing. Tí vit hava bara ein løgmann, og hann eigur at vera løgmaður fyri alt fólkið.

Bill Justinussen


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Mentamála­ráð­har­rin og ein løgtingslimur vilja innføra sensur av einstøkum privatum miðlum
Kristin Michelsen: Hetta er brot á lógirnar hjá Javnaðar­flokkinum
100.000 í bót vegna manglandi trygd
Eingin makrelur í Føroyskum sjógvi
Jenis ætlar sær í lands­stýrið
Alt hevur sína tíð her á fold
Feðgar lógu hvørjum øðrum eftir lívinum
R7 og KvF samsenda
Føroyar og Føroyingar... Ja, hvat er at siga um okkum?
Dennis og Jenis í sending­ini NOVA. Lokalsending Nova úr Suðuroynni í dag frá klokkan 13.00 til 15.00
Vespureiðrið (93) - 15. okt 2018
Tað er ikki p-talið sum ger okkum til føroyingar
NOVA úr Suðuroynni - Sending 25 - prát við Jenis av Rana
Óttast Kinesiska 5G tøkni
Fuglafjarðarsendingin (7) - 18. okt. 2018
Islamar vildu hava australska rossaranch, og ánarin er tjóðarhetja
Óreglusemi á fundarborði í fiski­mála­ráðnum
Professari skotið seg í armin til at mótmæla Trump
Sosialt ólag millum svørt og ikki rasisma er orsøk til svarta mannfallið í USA
Kommunuskattu­rin minkar í Klaksvík og Runavík
Metis - Øll sendingin - 16. oktober 2018
Líggjas Johannesen: Hvar eru pengarnir brúktir?
At lata Almanna­verki­num fleiri íbúðir loysir sjálvandi nakað
Eg gangi út frá, at Poul Michelsen hevur eina góða frágreiðing til vanliga skattgjaldaran
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi