Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Kommunulæknaøkið bløðir út

Heilsa, Lesarabrøv | 05/05-2018 16:40

Tað er hugstoytt at síggja, hvussu lítla virðing avvarðandi myndugleikar hava fyri arbeiðsumstøðunum hjá kommunulæknum.

Um verandi gongd heldur áfram, og trupulleikarnir ikki verða tiknir í álvara, gerst úrslitið, at kommunulæknaøkið bløðir út, tí orsakað av vánaligu umstøðunum vera tað alt færri læknar, ið fara undir at serútbúgva seg til kommunulækna. Ein onnur álvarslig avleiðing er, at vánaligu arbeiðsumstøðurnar sum frálíður fara at ganga út yvir góðskuna av tí arbeiði, sum verður gjørt í kommunulæknaskipanini.

Ótolandi arbeiðsumstøðurnar hjá kommunulæknunum fara sum frálíður at fáa álvarsligar avleiðingar fyri alla kommunulæknaskipanina, og tískil fyri brúkararnar – eins væl og alt heilsuverkið – og harvið samfelagið Føroyar.

Væntandi virðingin frá avvarðandi myndugleikunum er vorðin ein alsamt størri hóttan móti allari kommunulæknaskipanini, sum er portrið og atgongdin hjá hvørjum einstøkum føroyingi, ið fyrr ella seinni í lívinum fær brúk fyri heilsuverkinum.

Mest álvasliga hóttanin er, at kommunlæknaøkið bløðir út, tí orsakað av vánaligu arbeiðsumstøðunum velja alsamt færri læknar at útbúgva seg til kommunulækna.

Gularótin hjá teimum, ið umhugsa ella kundu hugsa sær at serútbúgva seg til eitt starv innan kommunulæknaøkið, er og hevur verið, at umstøðurnar fóru at broytast til tað betra. Tíverri hevur gongdin verið tann beint øvugta seinnu árini.

Teir frammanundan ovbyrjaðu kommunulæknarnir hava fingið enn fleiri uppgávur at taka sær av, so tíðin til hvønn einstakan sjúkling rætt og slætt ikki røkkur til. Úrslitinum slepst ikki undan.

Kommunulæknarnir mugu renna skjótari og skjótari, og so at siga hvønn einasta dag arbeiða yvir ella seta seg um kvøldarnar, tá eitt nú børnini eru farin til songar, at avgreiða tað, sum teir ikki náddu í arbeiðstíðini. Slíkar arbeiðsumstøður eru tað ikki nakrir fakbólkar í dagsins samfelagi, sum vilja góðtaka.

Úrslitið er oftani strongd, og at alt fleiri læknar tveita handklæðið í ringin – ella umhugsa at gera tað – og heldur finna sær eitt starv sum sjúkrahúslækni ella flyta av landinum, har størv teirra verða vird, og arbeiðsumstøðurnar eru menniskjansligar. Tað eru tær ikki í Føroyum. Tilboðini úr eitt nú øðrum Norðurlondum tróta ikki, tí læknatrot er nærum allastaðni.

Tað er tí hugstoytt at síggja, at myndugleikarnir ongan vilja vísa til at gera ein nýggjan sáttmála við Kommunulæknafelagið, sum kann bøta um umstøðurnar, men tvørturímóti leggja upp til ein beinleiðis niðurskurð í reallønini hjá kommunulæknunum, ið eru um at hoykna undir verandi arbeiðstrýsti.

Síðani í gjár hava lønirnar hjá læknunum verið frammi alment, har sagt verður, at tær liggja millum 2,2 og 2,9 mió. krónur um árið. Hendan myndin er misvísandi og púra burturvið at brúka. Tað svarar til at siga, at umsetningurin hjá einum timburmeistara ella øðrum vinnurekandi er hansara ársløn, og ikki taka hædd fyri, at viðkomandi bæði skal rinda starvsfólkalønir, eins og allar útreiðslur, ið eru knýttar at virksemi hansara.

Um avvarðandi myndugleikar ikki taka annað skinn um bak, gerst úrslitið við stórari vissu, at fleiri kommunulæknar fara steðga og finna sær annað starv.

Havandi í huga, at miðalaldurin á kommunulæknunum er rættiliga høgur, har onkrir eru farnir langt upp um pensjónsaldur, og nógvir nærkast hesum, og sostatt skjótt leggja frá sær, meðan alt ov fáir leggjast til, er støðan beinleiðis hættislig. Hetta mugu avvarðandi myndugleikar taka í álvara nú, tí annars enda Føroyar sum frálíður sum eitt uland á hesum økinum, og hvør ynskir tað.

Nevndin í Kommunulæknafelag Føroya

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Lands­stýris­maðu­rin segði ósætt á tíðindafundinum
Hans Joensen: Eg eri ein skuffaður maður
Seldu kvotu og fingu hana aftur
Jóhan Edvard náddi ikki heim til jarðarferð­ina, men sang í kirkjuni í Ikerassak
Eru Menningar­kvotur­nar politiskt útlutaðar?
Vespureiðrið (84) - 13. aug 2018
SU generatiónin í Løgtingi­num skilir ikki, at feløgini hava verið í kreppu
Umboðini hjá Sambands­flokki­num ynsktu ikki menningar­kvotur
NOVA úr Suðuroynni - Sending 16
Polittisk útlutan?
Tað er ikki Tórbjørn Jacobsen, sum er boðin umborð, tað er borgar­stjó­rin í Runavíkar kommunu
Brátíðindi: Politiið í Føroyum hevur tikið málið upp aftur, viðvíkj­andi illgrunasomum deyða
Flótidokkin í Hirtshals er koppa
Tjóðveldiskabalin
Uppsjóvar­kvotur­nar eru nógv størri enn ICES tilmælir
Hjaltur og Aleqa hittust í Uummannaq
Metis - Øll sendingin - 14. august 2018
Nýggjur háskúli á Sandi
Hoyr stjóran á Vestmanna Fiskavirki, hvussu menningarkvotan skal brúkast
Norðoya Fólkafloks­felag : Landið bløðir og kemur at bløða um vend ikki kemur í nú
Eg haldi veruliga ikki, at Høgni hevur blandað seg uppí viðgerð­ina av menningarkvotum, nú skotrøðir­nar duna.
Dronu upptøka av cruise skipinum "Zuiderdam", sum vitjaði í Runavík, leygar­dagin 11. august.
Hilbert Elisson: Fiskivinna og kvotur
Framvegis ongar menningar­kvotur
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi