Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing


Ert tú laboranturin vit leita eftir?

Vit søkja eftir laboranti í tíðaravmarkað, spennandi og avbjóðandi starv á Patologisku kanningarstovuni.

Okkara uppgávur fevna m.a. um:
  -  at kanna smittu/sjúku í fiski, djórum
  -  kanna mótstøðuføri hjá seyði móti ridluskriða
  -  at innkoyra og góðskutryggja nýggjar kanningar

Vit nýta framkomnar kanningar, so sum PCR, real-time PCR, sekventering, bioinformatik, NGS, ELISA, IFAT og dyrking av virus á kyknum.

Tú skalt:
  -  hava lokið prógv sum laborantur ella aðra tilsvarandi útbúgving
  -  duga føroyskt og/ella norðurlendskt í skrift og talu.

Tað er ein fyrimunur, um tú hevur royndir við:
  -  omanfyrinevndu kanningum
  -  góðskustýring eftir DS/EN ISO/IEC 17025
  -  vanligum telduskipanum, LIMS og journalskipanini 360.

Vit bjóða eitt áhugavert og fjølbroytt starv, har tú verður ein týðandi partur í at veita okkara viðskiftafólkum álítandi og skjót úrslit.

Starvið er fulla tíð við setan frá 1. november 2020 (ella skjótast til ber) til 31. desember 2021. Lønin verður sambært sáttmála millum Starvsmannafelagið og Fíggjarmálaráðið.

Umsókn við avritum av prógvi, starvsroyndum og viðmælum skal sendast til hfs@hfs.fo og verða okkum í hendi í seinasta lagi mánadagin hin 5. oktober 2020, kl. 12.00.

Tú fært nærri at vita um starvið við at venda tær til Debes H. Christiansen, deildarleiðara, tlf. 556486 ella teldupost debesc@hfs.fo.

Heilsufrøðiliga starvsstovan er stovnur undir Umhvørvis- og Vinnumálaráðnum. Endamál stovnsins er at umsita matvøru-, djórasjúku- og alilógina við tilhoyrandi kanningarstovum. Patologiska kanningarstovan er tilvísingarkanningarstova fyri fiska- og djórasjúkur. Kanningarstovan er altjóða góðkend eftir DS/EN ISO/IEC 17025 og er undir eftirliti av DANAK, www.danak.dkVit eru ein nútíðar kanningarstova við mest framkomnu útgerð til mýlislívfrøðiligar, immunologiskar og aðrar kanningar. Vit eru 8 starvsfólk.

 


Lýsing
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið