Frans pávi finnist ov nógv at kolvetni og útnyttar nunnur
Katólska kirkjan hevur havt tað strævið, síðan Obama, Hillary og George Soros settu Frans í pávastólin í 2013, afturfyri at hann er so góður marxistur.
Amerikanskir katolikkar eru so misnøgdir við 80 ára gamla argentinaran Frans, ið er lærdur jesuittur (ein katólsk sekt lík Stasi og KGB), at talið á teim, ið ganga til messu (í kirkju) regluliga, er fallið 40% farnu 6 árini.
Herfyri kallaði Frans toppstjórar á heimsins størstu oljufeløgum, Exxon, BP, Total, Dutch Shell o.ø. á fund í Vatikaninum, har “frælsisteologurin” (les: kommunisturin) Frans greiddi teim frá, at kolvetni skaðar umhvørvið.
Frans pávi brúkar meiri tíð til at spilla kapitalismu og kolvetni út enn at tala um um Gud, persónliga trúgv, ið hann finnist at. Hann lastar marknarbúskapi, ið anars føðir meiri enn helmingin av heimsins íbúgvum, serliga tey fátæku.
Meðan hesin hvítkitlaði dárin, ið hevur minni skil fyri búskapi enn hundur fyri himmiríki, brúkar tíð og orku til at greiða vesturlendskum oljustjórum frá vandanum av CO2-útláti, er øsing í katólska baklandinum, tí at teir hægru prelatarnir misnýta nunnur til at gera ólønt tænastuarbeiði sum húshjálp.
Her man vera talan um djúpa misnøgd við pávans sosialistisku undirgraving av katólsku kirkjuni, tí eitt blað, ið Vatikanið gevur út, L’Osservatore Romano, pástendur nú, at katólskir bispar, erkibispar, kardinalar og hægri klerkar taka sum givið, at nunnur slíta seg upp sum óløntar arbeiðskonur.
Ein grein í blaðnum, ið kallast Kvinnur, Kirkja og Heimur, hevur samrøðu við eina systur Mariu, ið sigur, at hennara trúarsystrar verða noyddar til m.a. at kokkast og borðreiða fyri ovastu prelatum og teirra gestum í fínustovum, men tær sjálvar mugu eta einsamallar í køkinum.
“Er tað rætt, at ein vígdur maður skal verða gingin til handa á henda hátt av einum øðrum vígdum persóni,” spyr systur Maria í blaðgreinini?
Ein onnur nunna verður endurgivin í katólska blaðnum fyri at siga, at nógvar av hennara systrum hava universitetsprógv, men eru kúgaðar til at arbeiða sum húshjálp hjá prestunum fyri lummapening, ja trælaløn.
“Flestu nunnur stuðla familjum í fátækum londum, men føla seg bundnar av sínum kleystureiði, so tær mótmæla ikki, at tær verða útnyttaðar.”
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur