.. tí settist Hann, táið Hann hevði gjørt reinsan fyri syndir okkara, við høgru hond hátignarinnar á hæddini. Hebr.1:3

... kom Jesus sjálvur til teirra og fylgdist við teimum. Luk.24.15

Harrin skal sjálvur koma niður av Himli við veldisrópi, ...vit... verða rykt burtur ... at møta Harranum í luftini. 1.Tess.4:1617

Tað eru ávís verk einans  Harrin Sjálvur kann gera. Í tí farna er einans Hann, sum kundi doyggja fyri syndir okkara. Í nútíðini er tað einans Hann, ið kennir djúpasta tørv okkara og kann geva sanna og varandi troyst, sum Hann gjørdi fyri teir báðar (tey bæði? á vegnum til Emmaus. Í framtíðini fer Hann, sum hin einasti, ið kennir seyð Sín við navni, knappliga at rykkja okkum burtur fyri í ævir at vera saman við Sær.

Úrvalt - Páll Poulsen týddi úr enskum

Særdur fyri meg, særdur fyri meg,

negldur á krossin og særdur fyri meg.

Burtur er syndin, og fríur varð eg,

einans tí Jesus varð særdur fyri meg.

2. Doyði fyri meg, doyði fyri meg,

Jesus á krossinum doyði fyri meg.

Bar syndabyrðina, loystur varð eg,

einans tí Jesus leið deyðan fyri meg.

3. Reis fyri meg, reis fyri meg,

Jesus úr grøvini reis fyri meg.

Frá deyðabroddinum frígjørdur eg,

einans tí Jesus reis upp fyri meg.

4. Livir fyri meg, livir fyri meg,

livir í Himli til besta fyri meg.

Leiðir, varðveitir meg á sínum veg,

einans tí Jesus nú livir fyri meg.

5. Tekur meg heim, tekur meg heim,

kemur skjótt aftur og tekur meg heim.

Á, hvør ein gleði hans ásjón at sjá,

hann tá í ævir mín lovsong skal fá.

*W.G. Ovens (Amer.), 1870–1945, (1. vers).

*Gladys Westcott Roberts (Amer.), f. 1888, (versini 2–5).

{Lag: W.G. Owens}.

(Brynleif Hansen týddi).

Nr.180 í NSGF 2015