Hægstirættur í Pakistan viðgjørdi í gjár eitt sivilt krav um, at frídømingin av kristnu kvinnuni, Asia Bibi, skuldi viðgerast av nýggjum. Men Hægstirættur kom til ta niðurstøðu, at grundarlag var ikki fyri at taka málið uppaftur. Tað skrivar pakistanska blaðið Dawn.

Asia Bibi sat í átta ár deyðadømd fyri blasfemi, men tann 31. oktober í fjør varð hon fríkend í Hægstarætti. Hon varð leyslatin, men mátti fjala seg, tí víðgongdir muslimar ætlaðu at drepa hana. Eisini vóru hørð mótmæli í landinum ímóti, at hon varð fríðkend.