Fróði Benjaminsen hevur skrivað undir sáttmála. Sáttmálin er galdandi kappingarárið 2019.

Fróði Benjaminsen telist millum størstu profilar í føroyskum fótbólti nakrantíð. Sambært Faroesoccer hevur hann hevur spælt 563 landskappingar- og steypadystir í fremstu røð. Hann er tann spælarin, sum hevur spælt flestar A-landsdystir fyri Føroyar - heilar 94 landsdystir. Eitt langt skifti var hann liðformaður á landsliðnum.

Fróði hevur gjørt avtalu við Skála.

Vit fegnast um, at Fróði Benjaminsen nú er til reiðar at taka eitt tak fyri Skála, og vit ynskja honum vælkomnan í felagið.

Fróði Benjaminsen spælir sín fyrsta dyst fyri Skála, tá ið venjingardystur verður ímóti EB/Streymi á Eiði leygardagin kl 12.00.

tað skrivar skala IF.