Talan er bæði um rættiliga konservativar religiøsar leiðarar, og teir, sum liggja meira í miðjuni, sum vilja vera partur av uppreistrinum. Hetta minnur í so máta nógv um rørsluna fyri borgararættindum, sum var í 1960-unum, skrivar Reuters.

Konservativir- og teir leiðarar, sum liggja meira móti miðjuni, melda seg inn í uppreisturin saman við svørtum kirkjum, progressivum katolikkum og protestantum, jødiskum synagogum og øðrum trúarbólkum, sum vilja hava løgverjuna broytta og temja rasismu.

- Vit síggja broytingina á gras-rótar stigi. Vit síggja rabbinarar lið um lið við muslimskar leiðarar, við katólskar prestar og átrúrnaðaligar systrar. Vit síggja, at fólkaslag rakar allar trúarbólkar, sigur Johnny Zokovitch, leiðari í Pax Christi USA, sum er amerikanskt katólskur bólkur, ið arbeiðir fyri friði og rættvísi.

Fleiri enn 1.000 rabbinarar, prestar, imamar og aðrir átrúnaðarligir leiðarar hildu felags ráðstevnu á netinum í síðstu viku, har teir løgdu fram hugsanir og uppskot um, hvussu tað ber til at tala at og gera nakað ítøkiligt við skipaða harðskapin, sum verður framdur móti afro-amerikanarum.

Ein luttakari, sum var við á ráðstevnuni, Jonah Dov Pesner,k rabbinari, sigur tað vera nýggj breidd og dýpd í afturmeldingunum frá trúarsamfeløgunum. 

- Hetta ber brá av hungri eftir sambandi við onnur aftaná fleiri mánaðir, har øll hava hildið frástøðu orsakað av koronafarsóttini, sigur Rabbinarin. 

- Fólk eru ill. Tey eru ill um at vera fyri rasismu, tey eru ill um ódugnaligu handfaringina av koronasmittuni, tey eru ill um trongskygnið, um anti-Semitismu og Islamofobi, og hvítt yvirræði, sigur Jonah Dov Pesner, rabbinari og leiðari í Religious Action Center of Reform Judaism. 

Tað skrivar Reuters.