Danska uttanríkisráðið hevur nýggjar tilráðingar um lond
Danska Uttanríkisráðið hevur sett nýggj lond á Covid-19-listan, sum mælt verður frá at ferðast til, um tað ikki er neyðugt. Hesin listin er vanliga eisini galdandi fyri Føroyar.
Samstundis sum talið á Covid-19-smittaðum í Føroyum er vaksið seinastu dagarnar, er talið eisini vaksið í fleiri londum kring okkum. Millum nýggju londini, mælt verður frá at ferðast til, eru Belgia og Malta, tí í hesum londum er talið á koronusmittaðum eisini vaksið seinastu dagarnar.
Seinastu vikurnar hevur Belgia havt eitt smittutal uppi á 31,5 um vikuna fyri hvørjar 100.000 íbúgvar, og tøl frá Evropiska Stovninum fyri Sjúkufyribyrging og Sjúkueftirlit (ECDC) vísti tað seg mánadagin, at eisini Malta er tætt við at fara um markið. Smittutalið á Malta var tá 29,3 um vikuna fyri hvørji 100.000 íbúgvar.
Rátt verður eisini frá at ferðast til Írlands, men har er orsøkin serligu írsku sóttarhaldsreglurnar, skrivar ritzau-tíðindastovan sambært Nordjyske.dk.
Mest lisið í farnu viku
Samband
Heygsvegur 8
490 Strendur