Eitt sovorðið uppáhald, borið fram av vísindafólki, at te virkar ímóti Alzheimer, er balsam fyri sálina hjá einum eldri tedrekkara sum vertin á Andøvsløtuni, ið elgir minst 2 litrar av góðum te í seg hvønn gudskapta dag. (Ei undur, at ein heldur magasekkin á sær síggja út innan sum eitt barkað segl ella biðiskinn)

Havi tó sjálvur altíð havt snevilin av, at teið (vónandi eisini ‘svart’ enskt/indiskt te og ikki bert kinesiskt te) hevur nakrar verjandi og enntá lekjandi eginleikar.

Eitt nú luktar ein passioneraður tedrekkari ikki av sveitta, m.a. tí at teið er vatndrívandi, ikki bert gjøgnum vil, nýru og bløðru, men alla húðina, sum verður tváað av sveitta, ið er reinur og skolar kroppin út við nógvari vætu.

Tað merkir, at te reinsar kroppin fyri ein hóp av avfallsevnum, ið annars savna seg í kroppinum og elvir til høgt blóðtrýst og ymsar æðra- og hjartasjúkur.

Nú eru granskarar á Rush University í Chicago við royndum komnir eftir, at í teplantuni eru evni, kallað ‘flavonol’, ið forða ella seinka óminni. Barndømi rakar mest eldri og gomul fólk. Aðrar plantur, ið gera ‘flavonol’, eru reyðar víndrúur, hzrav eisini reyðvín, og kakao, ið verða nógv drukkin.

Granskararnir í Chicago brúktu 921 royndarpersónar, ið vóru 81 ára gamlir í miðal. Tey blivu býtt sundir í 5 bólkar eftir, hvussu nógv ‘flavonol’ hvørji av hesum sløku 100 royndarfólkum drukku.

Tey í 1/5, ið drukku mest te, minst 1,5 kopp un dagin í miðal, høvdu 48%, t.e. nærum helvtina minni Alzheimer enn tey, sum drukku minst te, hálvan kopp.

Av 4 ymsum sløgum av flavonol, ið kallast ’kempferol og finnist í mati/drekka sum te, reyðvíni, sjokulátu, káli, bønum, spinati og brokkoli, virka best ímóti Alzheimer.