Flestu innleggingar eru fólk millum 45-64 ára gamlar bretar, samb. Office for National Statistics. Fólk í hesum aldur drekka reglu- og ríkiligari enn onnur.

Í 2016 svaraðu 60% av spurdum kvinnum og 69% av spurdum monnum, at tey høvdu fingið sær upp í nevið meiri enn eina ferð farnu vikuna.

Kanningin vísir eisini, at fleiri bretar, 21% íalt, siga seg vera fráhaldsfólk nú, enn undanfarin á, og økingin av fráhaldsfólkum eru altso serliga millum ung.

Eingin øking hevur verið millum yvir 65 ára gomul, ið hava kvittað við alkohol, og tey eru tann aldursbólkur, ið mest vanliga vætir sær góman dagliga.

Av teimum spurdu yvir 65 ára gomlu svaraðu 13% av konufólkunum og 25% av mannfólkunum, at tey høvdu smakkað sær á undanfarnu 5 dagarnar á rað.