Nú eru sprongdir umleið 6.800 metrar av teimum íalt 11.250 metrunum sum skulu speingjast í  Eysturoyartunlinum. Tað svarar til, at góð 60 prosent av tunlinum eru sprongd. Í síðstu viku vórðu sprongdir 107 metrar í tunlinum.

Hvítanesmegin vórðu sprongdir 80 metrar í seinastu viku, og nú eru í alt sprondir 3.292 metrar har.

Frá rundkoyringini í tunlinum og suður ímóti Hvítanesi vórðu sprongdir 10 metrar og frá rundkoyringini móti Rókini í Saltnesi vórðu sprngdir 17 metrar í farnu viku.

Strekkið frá rundkoyringini og suðureftir er nú 1.011 metrar og frá rundkoyringini og eystureftir er strekkið nú 848 metrar.

Fyrsta skotið varð latið av fyri Eyturoyartunlinum tann 21. februar í fjør.