Beint uppundir jól 2017 var miðlastuðulin útgoldin føroyskum fjølmiðlum.

Um stutta tíð er aftur útgjaldsdagur, so miðlarnir kunnu leskast við nøkrum gávum. Onkur kallar hetta fyri "kjaft bomm", so miðlarnir ikki skulu fara ov harliga við politikarunum. Nú nærkast til næsta útgjald.

Sum skilst, eru fleiri politikarar til reiðar við "kjaft bommum" til miðlarnar í 2018. Fíggjarlógin sum Kristina Háfoss legði fram í gjár vísur, at 2 mill. standa klárar til miðlarnar. 

Seinast søktu níggu miðlar um at fáa stuðul burturav teimum tveimum milliónunum, ið vórðu settir av á fíggjarlógini fyri 2017, og av teimum metti Miðlastuðulsnevndin, at átta miðlar luku treytirnar fyri at fáa stuðul útgoldnan.

Tann sum fekk minst fekk 19.160 krónur og tann sum fekk mest fekk 824.365 krónur.

Sambært miðlastuðulslógini kann stuðulin í mesta lagi vera 40% av skjalprógvaðu lønarútreiðslunum árið fyri, sum stuðulin verður latin.

So er spurningurin um føroysku miðlarnir eru heftir at politikarunum - ella um politikarin er heftir at miðlunum. Spurningurin er um tað finnast óheftir miðlar. Politikarin veit.