Spennandi veljarakanningar í Spania undan valinum 28. apríl
Tað hevur loyst seg hjá spanska javnaðarflokkinum, PSOE, at skipa stjórn og kanska hevur tað gjørt betri mun, at helvtin av ráðharrunum í vinstrastjórnini hjá Pedro Sanchez eru kvinnur. Spania er eitt patriarkalskt (mansstýrt) land.
Javnaðarstjórnin hevur fingið stuðul frá Podemos, sosialistaflokkinum.
Stjórnarskifti kom í fjør, eftir at fleiri borgarligir politikarar í stjórnini hjá Rajoy forsætisráðharra vórðu dømdir fyri fíggjarligt óreglusemi. Í juni gjørdu tey konservativu tað skilagóða at velja nýggja floksleiðslu við Pablo Cassado, 37 ára gamla løgfrøðinginum og tingmanni í fleiri setur, á odda.
Meiningakanningar síðan valið varð útskrivað, vísa, at blokkarnir eru nakað javnstórir. Javnaðarflokkurin PSOE vaks úr sløkum 20% áðrenn stjórnarskiftið upp í 26% nú. Vinstrahalli Podemos hevur hildið støðuna við 15%, ið gevur 40% íalt. Smærri vinstraflokkar fara ivaleyst at stuðla hesum blokkinum.
Á borgarliga veinginum er PP (Fólkaflokkurin) størstur, tó við bert 20%, ið er væl minni, enn tá hann leiddi síðstu borgarligu stjórnina, til hann fekk misálit.
Aftrat honum kemur “Borgaraflokkurin”, ið fekk 16% seinastu veljarakanning. Onkur minni høgraflokkur, serliga tey, ið eru ímóti sjálvstýri í Catalonia og Baskaralandinum, fara at stuðla eini borgarligari stjórn.
Tann nýggi populistiski og ytsti høgraflokkurin, stovnaður í 2014, VOX av navni, er tann ókendi faktorurin í komandi tjóðartingsvali til Cortez í Madrid.
Vox fekk púra óvæntað 12% til valið í størsta landsluti í Spania, Andalusia. Orsøkin var m.a. misnøgdin á fólki við vinstrastjórnina hjá Sanchez.
Straks hon kom til, tustu 1000-tals afrikanskir muslimar úr Marokko til Spania í gummibátunum við 2 páhangsmoturum og 100 til 200 ungum monnum í hvørjum. Sanches-stjórnin tók ímóti, men sendi víðari upp í ES, har Merkel, Macron & Co rindaðu sosialistunum í Madrið 40.000 kr fyri hvønn afro-islam.
Smbr valkanningum síðst í februar fær høgravendi VOX 14% av veljarunum ikki bert í Andalusia, men kring alt Spania. Tað verður ein jarðskjálvti og fyrstu ferð, at ein populistiskur flokkur fær so stóra undirtøku síðan Franco (1975).
Fær VOX 15%, og teir borgarligu kunnu samstarva, telja teir íalt yvir 50%.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur