Radikali flokkurin í Danmark vildi ikki møta til samgongusamráðingarnar í gjárkvøldið
Serfrøðingar halda, at talan er fyrst og fremst um samráðingartaktikk.
Nývalda fólkatingið hevur sín fyrsta fund í dag, men framvegis er eingin samgonga skipað eftir fólkatingsvalið, sum var 5. juni. Forkvinnan í Sosialdemokratiska flokkinum roynir at skipa eina stjórn, har Radikali flokkurin, Eindarlistin og SF eru stuðulsflokkar.
Í gjárkvøldið kom ein kend ósemja millum hesar flokkarnar rættiliga undan kavi. Tað var tá allir fýra flokkarnir fyri fyrstu ferð skuldu møtast við samráðingarborðið. Radikali flokkurin valdi tá ikki at møta.
Formaðurin í Radikala flokkinum, Morten Østergaard, segði við fjølmiðlar, at á einum samráðingarfundi, sum hann hevði verið á seint seinnapartin, vóru tey ongantíð komin nærri eini semju um nøkur av málunum, sum stór ósemja er um.
“Tað var eitt stig fram og tvey aftur, so vit hava boðað Sosialdemokratunum frá, at fyrr enn vit koma víðari við búskapinum og tí virðispolitiska, verður trupult at gera tey tingini liðug, har ósemjurnar ikki eru so stórar,” segði hann, sambært DR.
Politiskir eygleiðarar halda, at tað at Radikali flokkurin ikki møtti upp til samráðingarnar skal fyrst og fremst síggjast sum eitt samráðingartaktiskt átak, og at talan er neyvan um, at samráðingarnar eru um at slitna.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur