Og hendan kontrafaktiska hugsanin er eisini at finna á mentanarstovninum hjá ST, “UNESCO”, sum í oktober samtykti tvær yvirlýsingar ið søgdu at jødanir onki søguligt tilknýti hava til Jerusalem.

Men seinasta árið hava fornfrøðingar funni fleiri prógv fyri túsundára gomlu søgu jødanna.

Fyrr í vikuni var kunngjørt at man hevði funni eina mynt í Jerusalem ið stavaði frá tíðini tá Maccabeara uppreisturin fór fram. Avmyndaður á myndini var Antiochus IV kongur í Selukia. Undir ræðið hansara fingu jødarnir strong forboð ímóti at liva eftir teirra trúgv, og tað endaði við einum uppreisturi. Sigurin hjá Maccabearunum verður hvørt ár hátíðarhildin á Hannuka.

Í oktober funnu fornfrøðingar staði har romverskir hermenn brutu ígjøgnum býarmúrin í Jerisalem fyri næstan 2.000 árum síðani. Hetta var stutt áðrenn teir oyddu tað seinna jødiska templi. Leivdirnar ið granskarar funni samsvaraðu við lýsingina ið var givin av søgufrøðinginum Flavius Josephus, sum í fyrstu øld greiddi frá uppreisturinum í bók sínari “Tað jødiska kríggið”

Eina viku seinni kunngjørdu ísraelskir mynduleikar, at man hevði funni eitt petti av papyrus. Skjalið er elsta hebraiska skjalið ið nevnir Jerusalem. Sambært fornfrøðingunum er skjalið áleið 2700 ára gamalt, og stavar tí frá tíðini tá fyrsta jødiska tempuli stóð á tempulfjallinum.

Í útgravingum, ið vóru framdar í samstarvið við muslimskar mynduleikar hava ísraelskir fornfrøðingar funni ymiskar leivdir ið stava frá dagliga arbeiðinum í tí fyrsta templinum. Talan er um pottaskør og beinagrindir av djórum ið vóru nýtt sum brennioffur. Hetta er fyrstu fer at man hevur funni slíkar leivdir á sjálvum tempulfjallinum.