Spælitilboð í Finsen í útboðI
Ætlanin er, at niðara høllin í Finsen skal vera karmur um ávíst spæli- og virknistilboð til børn og barnafamiljur.
Tórshavnar kommuna ætlar við hesum, at áhugaði kunnu bjóða seg fram sum veitarar av tilboðnum og at taka sær av tí. Víst verður til niðanfyristandandi skriv og hjálagda uppskot um rakstraravtalu.
HEVUR TÚ HUG AT MENNA OG REKA NÝTT SPÆLITILBOÐ Í VIRKNISHØLLINI Í FINSEN?
Í mars 2020 verður virknishøllin í Finsen klár at taka í nýtslu eftir at vera høvuðsumvæld. Høllin er ætlað til brúk hjá skúla, dagstovnum og frítíðarskúlum um dagin, umframt borgarum v.m.
Uttanlands er vanligt við sonevndum spælilondum, har børn í ymiskum aldri og familjur kunnu koma at spæla og hugna sær. Niðara høllin í Finsen er avmarkað sum karmur, men Tórshavnar kommuna ynskir fegin at fáa gjørt sær royndir við at hava eitt ávíst spæli- og virknistilboð í høllini, har tað verða møguleikar fyri spæli og rørslu, serliga fyri aldursbólkin 2-10 ár.
Kommunan ynskir at koma á tal við fyriskipara, ið kann vera við til at gera eina royndarverkætlan ávísar tíðir og dagar í vikuni. Ætlandi skal tilboðið byrja í apríl 2020, og royndarverkætlanin gongur ætlandi til august 2020.
Tórshavnar kommuna vil við hesum bjóða áhugaðum at bjóða seg fram at taka sær av dagliga rakstrinum av tilboðnum, umframt at vera partur av tilgongdini at útvega hóskandi amboð, tól og leikur. Í fráboðanini skal umsøkjarin greiða frá um seg sjálvan herundir royndir og førleikar, hugskot til menning av tilboðnum og uppskotum til amboð, tól og leikur til tilboðið.
Meiri fæst at vita við at venda sær til Ingibjørg Petersen á mentamáladeildini á ingibjorgp@torshavn.fo, ella tel. 30 21 21. Áhugaði verða at boða frá í seinasta lagi 13. januar 2020, kl. 12:00. Møguligir spurningar kunnu setast fram til 6. januar 2020, kl. 12:00, og svar verða løgd út á hesa síðuna: Virknishøllin í Finsen
Mest lisið í farnu viku
Samband
Heygsvegur 8
490 Strendur