Ein teirra er javnaðartingmaðurin, Bjarni Hammer. Hann skrivar í einari viðmerking í dag millum annað, at talan er um eitt álop á Heilsuskúlan.

Bjarni Hammer sigur millum annað:

“Nú enn eitt álop kom á Heilsuskúlan, fari eg at rósa Jenisi av Rana fyri at verjastaðsetingina í Suðuroynni og feia av borðinum ætlanirnar hjá Bergunn Kass, Anniku Olsen og ALS um at taka grundarlagið undan einum av best virkandi skúlunum í Føroyum. Haldið fingrarnar burtur,” sigur hann

Bjarni Hammer vísir á, at Arbeiðsloysið er eksploderað í Suðuroynni, tí Bakkafrost hevur sagt upp 40 starvsfólkum. Tey megna ikki at tryggja tað støðuga arbeiðið á kryvjivirkinum í Vági, sum ætlanin varð, fyri at fáa einkarætt til allar firðirnar i Suðuroy.

Síðan aldarskiftið hevur virksemi verið á Heilsuskúla Føroya, og hevur hesin skúli ment seg til at vera ein viðurkendur og sera væl skipaður heilsuskúli í Norðurlondum.

Og nú kemur tað farliga, sigur Bjarni Hammer, – skúlin liggur í Suðuroynni.

“At Heilsuskúli Føroya liggur í Suðuroynni ger tað ikki bara lættari hjá suðuroyingum at taka hesa útbúgving. Tað skapar eisini arbeiðspláss, lív og trivnað í oynni, júst sum útbúgvingarstovnar gera aðrastaðni í Føroyum. Og nógvir norðingar hava góð minni við sær frá skúlatíðini í Suðuroy,” skrivar Bjarni Hammer millum annað.