Hilmar Eliasen, stjóri á Strandferðsluni, kann ikki siga nakað ávíst um avlýsingarnar júst á útsynningi, men hann vísir á, at sum heild er tað ikki bara túrurin um Suðuroyarfjørð, ið er avbjóðingin, men eisini havnarviðurskiftini. 

“Við hvørt kann tað vera trongt og trupult at leggja at. Og so er tað hetta við ferðaætlanini, at tað ikki longur verður siglt sum fyrr - eftir til dømis sjóvarfallinum, men eftir ferðaætlanini, altso eftir klokkuni. Og verður ein túrur til dømis útsettur, so er trupult at vinna hann innaftur í ferðaætlanini - serliga tá tríggir túrar verða gjørdir um dagin, sigur Hilmar Eliassen, stjóri á Strandferðsluni.