Í Íslandi er veðrið batnað eitt vet seinnapartin, og ávaringar-liturin er farin úr reyðum í appilsinlitt. Og appilsinlitta ávaringin er galdandi í øllum Íslandi.

Íslendska Kringvarpið skrivar nú seinnapartin, at allar ávaringar fara væntandi úr gildi kl. 23.00 í kvøld, men hann sigur framvegis storm sunnudagin.

Í Íslandi lata handlar, apotek og líknandi uppaftur nú seinnapartin, og býbussarnir byrja at koyra aftur. 

Stormurin heldur annars fram nógvastaðni í Íslandi, og í fleiri bygdum er rættiliga høg flóð. 

Mesti vindurin fyrrapartin í dag varð máldur við Hafnarfjall á Vesturlandinum, har varð mált upp í 71 m/s - ella 256 kilometrar um tíman.