"Braemer" hjá Fred Olsen Line var á Runavík fyri júst 5 árum síðani. So rúm tíð er longu fráliðin síðani sólarmyrkingina her á landi í mars ánaða 2015.

Cubanska tíðindastovan Granma skrivar nú, at bretskir og norðurírskir myndugleikar hava heitt á cubansku myndugleikarnar, um at lata "Braemer" sleppa til bryggju í cubanskari havn við nøkrum ferðafólkum, ið hava fingið COVID-19 smittuna. Hjálpin snýr seg eisini um at fáa ferðafólkini heim til Europu við flogfari.

Cubansku myndugleikarnir meta at hetta er neyðstøða og at umrøddu ferðafólkini eru í lívsvanda, tí hava teir givið "Braemer" loyvi til at taka havn í Cuba, har teir eisini geva møguleika fyri heilsuhjálp til ferðafólk annars, samsvarandi WHO-ásetingum og soleiðis sum cubanska heilsumálaráðið fyrisetur.

Í samskiftinum við bretsku myndugleikarnar er skipað soleiðis fyri, at sóttarraktu ferðafólkini verða send heim til Bretlands skjótast gjørligt - eftir at skipið hevur lagt til bryggju.

Sum sagt verður í Granma: "Tíðin er til samhaldsfesti og til tað, at vit skilja heilsu sum ein mannarætt og at vit styrkja altjóða samstarvið soleiðis, at vit saman fáa gingið ímóti felags avbjóðingum, - virðir sum hava stóran týdning fyri cubanska fólkið."

Ein hugalig søga í morgun

Tað skrivar Torbjørn Jacobsen á fafebook - vanga sínum.