Tá talið á deyðum fór uppum deyðstalið í Kina, har sjúkan byrjaði, ilskaðist Bolsonaro um egna ómegd.

- Eg geri ikki undurverk, hvat ætla tit at eg skal gera, spurdi hann journalistar.

211 milliónir fólk búgva í Brasil, og talið á deyðum av koronasmittuni er nú farið uppum 23.000.

Hægstirættur í landinum hevur gjørt av, at statir og býir sjálvir kunnu gera av, hvørji tiltøk skulu setast í verk, og ikki forsetin. Bolsonaro kravdi beinanvegin av Hægstarætti, at hann skuldi hava rætt at upploysa hørðu tiltøkini.

Ein nýggj meiningakanning í Brasil vísir, at 58 prosent av fólkinum heldur arbeiðið hjá forsetanum, Bolsonaro, í sambandi við koronafarsóttina vera vánaligt ella beinleiðis ræðuligt.

Bara 21 prosent halda, at forsetin hevur gjørt eitt gott arbeiði í hesum sambandi.

376.000 fólk eru higartil staðfest við koronasmittuni í Brasil - tað er meira enn øll onnur lond í heiminum uttan USA. Og mett verður, at myrkatølini í Brasil eru stór.