Skaldsøgan viðger spurningar sum: hvat gert tú, tá fólk látast sum einki, meðan heimurin verður týndur? Og hvat gert tú, tá ein sjúka hóttir við at taka tína bestu vinkonu frá tær? Bókin “Sum rótskot” snýr seg um fýra vinfólk, sum vilja hava fólk at vakna og taka umhvørviskreppuna í álvara. Men tá tey velja at taka sakina í egnar hendur, fær tað avleiðingar, sum tey ikki høvdu ímyndað sær.

Um bókina verður millum annað sagt, at hon er ein sigandi og rørandi ungdómsbók um fýra tannáringar, ið ynskja at varpa ljós á veðurlagsbroytingar, hóast tað til tíðir kann kennast nyttuleyst. Eins og í ungdómsskaldsøguni Skriva í sandin viðger rithøvundurin eisini onnur evnir, sum eru viðkomandi fyri ung eitt nú vinarlag, familju og seksualitet.

Tað er Bókadeild Føroya Lærarafelags, sum gevur bókina út. Bókin er heft við klaffum og er 123 síður.