Ein muslimskur leysgangari í Fólkatinginum, Sikander Siddique, ættaður úr Pakistan, hevði hug at kalla sjálvan forsætisráðharran, Mette Frederiksen (S) rasistiska, tí hon fanst at teimum høgu brotstølunum hjá tilflytarum.

Morten Østergaard, form. í RV, ið stuðlar sosialistisku stjórnini og tilflytarum meiri enn dønum, tók undir við Sikander Siddique, at Mette fór um mark.

Mette var skjót í vendini og legði stutt eftir krimitøl fram á tingi. Upplýsingarnir góvu eina holla mynd av, hvussu nógv meiri brotsligir muslimar eru enn danir.  Hagtølini byggja á feldar dómar fyri brotsverk og eru tí púra álítandi.

Nøkur av tølunum eru hesi í teim ringast befongdu donsku kommununum:

Í Ishøj eru 63% av dømdum brotsmonnum tilflytarar. Teir telja 42% av íbúgvunum. Sostatt gera teir 50% fleiri brotsverk, enn teir eru í tali.

Í Albertslund eru muslimar dømdir fyri dupult so nógv brotsverk, sum teir eru av íbúgvum. Teir telja 30% av íbúgvunum og hava fingið 58% av dómunum.

Í Høje Tåstrup er lutfallið næstan líka ringt: 29% av íbúgvunum har eru muslimar, sum hava framt 50% av dømdum brotsverkum (= 65% fleiri).

Í Vallensbæk eru 27% av øllum íbúgvum muslimar, ið gera 53% av brotsverkunum, altso 100% meiri kriminalitet, enn teir hava tal til.

Pakistanski muslimurin í Fólkatinginum brigdaði Forsætisráðharranum, at Danmark var býtt upp í eitt A-lið av dønum og eitt B-lið av tilflytarum. Mette svaraði hesum Sikander Siddique, at muslimarnir hava valt at manna B-liðið, hóast hesir nýdanir liva undir somu inntøku- og býlisumstøðum sum øll hini.

Ikki bert í kommunum við nógvum muslimum eiga teir dupult so nógvar dómar sum teir telja. Dómar í øllum Danmark frá 2018 vísa, at tey 8,5% av dønum við muslimskum uppruna eiga 17,5% av øllum dómum fyri brotsverk.

Muslimskar kvinnur eru næstan líka brotsligar sum teirra menn. 9% av donskum kvinnum eru muslimar, og tær eiga 14% av øllum brotsdómum.

Nærum 10% av dønum eru muslimar, og tilsamans eru tey dømd fyri 20% av øllum brotsverkum í Danmark. “Der var et yndigt land,” syngja danir nú.