Myndarøð: Nú er ljós- listarverkið á Skúlatrøð tendrað
Nakað av fólk var komið saman í kvøld ( les í gjárkvøldið ) at síggja listaverkið verða tendrað. Lstamaðurin,
Edward Fuglø, sum hevur sniðgivið, hugleiddi um tað blanka pappírið, sum børn fingu í hondina, og utta at dvølja fóru beint at tekna. Oftani var pappírið ov lítið og onkrir partar av skapunum fóru útav kantinum - Tað var við hesi hugmyndini, at hann hevði teknað skapini yvirum hornini á bygninginum. Eitt listarligt prýði fyri skúlan, sum eisini kveikir skapanarhug og ímyndir hjá børnunum at leika við.
Edwars tók m.a. soleiðis til:
"Skúlin er eitt kreativt stað, og umboðar sjálvandi eisini aðrar lærugreinir enn føroykst.
Eitt nú innan list, tónleik, handverk við meira. Børn eru opin og tekna og skapa púra náturligt list, ella barnalist, har barnið sigur søgur við kritum og vatnlitum.
Øll børn eiga henda eginleikan at siga søgur við sínum tekningum, tey ræðast ikki eitt hvítt ark, men leypa beint í vaðið, og tekna og mála so lystiliga, at tað er ein frægd at síggja. Og tey helma ikki í, fyrr enn alt arkið sum tað er, er fyllt av strikum, litum og formum.
So fara tey stolt at vísa mammu, og fortelja søguna, tey hava teknað, og eisini um tað, sum kanska ikki sást á tekningini, tí arkið varð ov lítið, so ikki var pláss fyri øllum.
Men her skilja vit skjótt, hvat barnið meinar við, tí tekningin og forteljaragleðin hjá barninum setur okkara hugflog í gongd, og skjótt síggja vit ósjónliga hestin ella fuglin, ein hálvan metur uttanfyri arkið. Og hetta er hugmyndin, eg havi nýtt til at listprýða veggirnar á Skúlatrøð.
Veggirnir vera sum eitt ovurstórt ark, og so havi eg teknað strikur og formar, um allan veggin, og ja, skjótt gjørdist sjálvt veggurin eisini ov lítil, og linjurnar fóru útav vegginum og upp í luftina, og gjørdust ósjónligar, men her kann hugflogið so taka yvir, og ein kann ímynda sær hvat strikurnar blíva til, t.d. ein fisk ella ein krabba sveimandi nakað omanfyri skúlaveggin, bert hugflogið setur avmarkingina".
Til lukku við listaverkinum!
Soleiðis skrivar Dávur Winther, mentanarleiðari í Klaksvíkar kommunu á facebook-vanga sínum.
Mest lisið í farnu viku
Samband
Heygsvegur 8
490 Strendur