Eina ferð hevur Gud sagt, ja, tvær ferðir havi eg hoyrt hetta – at styrkin er Guds. Sálm.62.12

Og hvussu ómetaliga stór kraft Hansara er á okkum, sum trúgva – soleiðis sum veldiga styrki Hansara virkar, sum Hann vísti í Kristusi, táið Hann reisti Hann upp frá hinum deyðu og setti Hann við høgru hond Sína í Himli. Ef.1.19-20.

Uppreisn Jesusar er størsta sýning av Guds kraft sum nakrantíð hevur verið at síggja. Fimm orð verða brúkt á grikskum, sum bera boð um óendaliga orku, spreingimegi og ævigan mátt. Um uppreisn Kristusar brúkti slíka kraft, hugsa um ta alstóru kraft, ið fer at verða sýnd, tá øll heiløga Hansara, ið eru sovnaði í trúnni á Kristus, verða reist upp!!!

Úrvalt - Páll Poulsen týddi úr enskum

Lagdur í grøv varð hann,

Jesus, mín Harri,

grøvin ei binda kann

Jesus, Guds Son.

Niðurlag: Hann upp úr grøvini stóð,

allar sínar fíggindar hann sló

sum ein sigurharri yvir Satans makt,

grøv og Helviti er honum undir lagt;

hann upp stóð, hann upp stóð!

Halleluja, hann upp stóð!

2. Innsiglað grøvin er,

Jesus, mín Harri!

Vaktin ei bindur her

Jesus, Guds Son.

3. Sigraður deyðin varð,

Jesus, mín Harri!

Einki kann binda har

Jesus, Guds Son.

*Robert Lowry (Amer.), 1826–1899.

{Lag: Robert Lowry}.

(V. Danielsen týddi)

Nr.178 í NSGF 2015