Andakt
Páll Poulsen skrivar
„Harri! Hevði Tú verið her, so hevði bróðir ikki doyð! “ Jóh.11.21
„Henda sjúka er ikki til deyða, men Gudi til dýrd – at Sonur Guds skal verða dýrmætur við henni.“ Jóh.11.4
Nógvir av Jødunum ... komu nú til trúgv á Hann. Jóh.11.45
Hvussu mangan rópa vit ikki til Gud og spyrja “hví”? Vit vita, Hann kundi havt hindrað trupullleikanum, men Hann gjørdi tað ikki. Vit ynskja linna frá pínuni. Hann ynskir, at Sonur Hansara skal verða dýrmætur. Fekk Harrin Jesus ikki mangan meiri dýrd við at reisa Lazarus upp av deyðum enn bert at hava grøtt hann frá sjúku? Soleiðis er á líknandi hátt í lívi okkara. Tess meira vónleysar umstøður okkara gerast, tess meiri verður Gud dýrmætur, tá Hann svarar bønum okkara, og trupulleikin verður loystur Honum til dýrd.
Úrvalt - Páll Poulsen týddi úr enskum
Hví manst tú so ofta spyrja,
hví alt hetta henda má,
hví tú hesa skál skalt drekka,
hví tú hesa sorg skalt fá,
hví teir hørðu, spísku tornir
fjaldu seg hjá rósuni,
og hví hesir hvøssu steinar
liggja her á gøtuni?
2. Spyr ei so! Tín Faðir veit tað,
kennir alt, ið tørvar tær;
prógv upp á hans faðirkærleik
eyga títt so mangan sær,
at tú aldri skuldi ivast
um hans eyma hjartalag,
enntá um hans faðirhendur
geva tær so mangt eitt slag.
3. Hann tær lovaði at fylgja
alla lívsins trongu leið,
hann teg lovaði at føra
á tann veg, tú kennir ei,
ja, hann lovaði at hjálpa,
gjøgnum neyð at bera teg,
og hann heldur tað, hann lovar,
hann kann ikki nokta seg.
4. Allir spurningar tá tagna,
hvørt eitt hví tá leggur seg,
leggur seg við Jesu føtur,
har er skýli fyri teg,
har er rúm til allar byrðar,
syndir, sorgir, alt hjá tær,
lívið og tess stríð og møði
fer í annan búna har.
5. Og um nakrar fáar dagar
greitt og klárt tú alt skal sjá;
Harrin kemur, Harrin kemur,
trúgv við sjón skal býtast tá;
inntil tá tú bert skalt minnast,
hvussu alt enn vendir sær:
Jesus elskar teg – tað eina,
er tað ikki nokk hjá tær?
*Lina Sandell (Sv.), 1832–1903.
{Lag 1: Írskt fólkalag}.
{Lag 2: Leivur Guttesen, 1929–1997}.
{Lag 3: Ira D. Sankey (Amer.), 1840–1908}.
(V. Danielsen týddi).
Nr.751 í NSGF 2015
Mest lisið í farnu viku
300.000 børn og ung rýmd úr Ukraina í summar
Almenni sektorurin veksur altíð skjótast
Andakt
Arctic Circle: Helgi roynir seg í finaluni í kvøld
Bústaðir gevst at byggja
Doyði tá svørfiskur leyp á
Fiskaheilsutoymið hjá Firum til kalibreringsdag
FSF og Håkan Ericson hava endað samstarvið
Havfjord brendi og bleiv vrak
Jól í Hogwarts útgivin kring heimin í dag!
Kommunurnar 600 mió. í undirskoti í ár
Landsstýrismaðurin á fundi á NATO høvuðssætinum
Landsstýrismálanevnd og Ingilín
Mál og lyfti Miðfloksins til Býráðsvalið 2024!
Nýggi kommunulistin í Havn
Tá vit goyma fiskin í sjónum!
Tollsamstarvið við Danmark og Grønland verður styrkt
Viðmerking viðvíkjandi áseting av leiguprísum hja Bústøðum
Vipers Kristiansand konkurshótt
Samband
Heygsvegur 8
490 Strendur