Hin vísi vinnur sálir. Orðt.11.30

 Tað eru mangir mátar at náa tey fortaptu. Persónliga at vitna fyri familju, grannum og vinum! Vit kunnu bera Guds Orð til fólk á sjúkrahúsum, fongslum, ellisheimum og ymiskum stovnum! Læra børn í sunnudagsskúla, barnamøtum, barnalegum og heima við hús! Eitt orð sagt við ein seingjarstokk, við vegjaðaran, á arbeiðsplássin! Umborð á skipi ella í landi! Ert tú vísur í dag og roynir at vinna sálir?

Úrvalt - Páll Poulsen týddi úr enskum

Finn tey fortaptu, leita upp lambið,

sum gongur vilst á fjøllum í dag.

„Komið til mín!“ nú Frelsarin bønar

– breið hetta út frá stað og til stað.

Niðurlag: Far nú avstað um fjøll og fløtur,

vís hinum vilstu beina leið.

Før tey til hann, hin góða Hirðan,

sum fyri tey í deyðan steig.

2. Finn tey fortaptu, peika á Jesus,

sálum so sjúkum, saknandi frið.

Vís teimum greitt hin æviga vegin,

styðja tey heimá stig fyri stig.

3. Fagrir á fjøllum føturnir eru,

sum góðan boðskap bera í dag,

styrkja tey veiku, reisa tey falnu,

gera í sorg tey líðandi glað.

*William A. Ogden (Amer.), 1841–1897.

{Lag: William A. Ogden}.

(Jukim Olsen og Z. Zachariassen týddu).

Nr. 985 í NSGF 2015