”Báðir partar hava givið og tikið fyri at fáa eina avtalu,” sigur formaðurin hjá SAS-flogskiparunum í Danmark, René Arpe. Nýggi sáttmálin er galdandi í trý ár, men kann sigast upp eftir tveimum árum.

Samráðingarnar millum SAS og DPF hava vart síðani februar. SAS hevði ásett átta samráðingarumfør og vónaði at hava ein nýggjan sáttmála longu í mars, men ikki fyrrenn í september brast fyri nev og nýggjur trý-ára sáttmáli fingin í lag.

Umleið 390 av flogskiparunum hjá SAS í Danmark eru limir í DPF - hinir 80 eru annaðhvørt ikki limir í fakfelagi ella hjá kappingarneytanum Flyvebranchens Personale Union.

SAS er størsta flogfelagið í Danmark, har felagið bara í floghavnini í Kastrup hevur 40 pst. av ferðafólkunum.