33-ára gamli Birk­ir Már hevur seinastu trý árini spælt við Hamm­ar­by í Svøríki. Hann var frammanundan seks ár hjá Brann í Nor­ra, eftir at hann fór úr Vali í 2008.

Hann var ein av føstu spælarunum á hesum báðum liðunum.

Tá hann segði upp sáttmála sín við Hamm­ar­by um dagarnar, var Valur á blettinum og bjóðaði honum heim aftur til teirra at spæla.

Fastur maður á landsliðnum

Birk­ir Már Sævarsson hevur spælt 76 A-landsdystir fyri Ísland og hevur skorað eitt mál. Hann hevur verið fastur maður í høgru síðu í verjuni og verið ein av stuðulsspælarunum á landsliðnum.

Umframt Birkir Már hevur Valur seinastu vikurnar styrkt seg við trimum øðrum spælarum: Ólafi Karl Fin­sen úr Stjörn­unni, Ívar Örn Jóns­son úr Vík­ingi Reykja­vík og Krist­inn Freyr Sig­urðsson, sum vendir heim aftur til Val eftir eitt ár hjá svenska liðnum Sundsvall.