Tað hevur gingið stak illa hjá Liverpool ímóti sokallaðum "veikum" liðum í Premier League. Liðið hevur tapt tveir teir seinastu dystirnar ímóti Swansea í Premier League og West Bromwich Albion í FA-Cup kappingini.

Hetta verður fyrstu ferð í 46 ár, at Huddersfield tek­ur ímóti Li­verpool í bestu deildini - og 59 ár eru síðani, at Hudders­field vann á Li­verpool. Síðani tá hava liðini hitst 11 ferðir uttan at Li­verpool hevur tapt.

Eru fyrireikaðir

„Vit fara at vísa, at vit hava fyrireikað okkum til henda dystin. Hudders­field er serstakur býur. Allur býurin stríðist fyri, at liðið skal verða verandi í deildini. Góður fótbóltur stendur ikki ovast á breddanum hjá teimum. Men teir stríðast til evstu løtu, og uppgáva okkar verður als ikki løtt. Vit mugu tí vera árvaknir allar 90 minuttirnar,“ sigur Jür­gen Klopp, venjari, hjá Li­verpool.

Liverpool vann fyrr í kappingini 3-0 á Huddersfield á egnum grasi. 

Teir tríggir dystirnir í Premier League í kvøld eru:

19.45 Sw­an­sea - Arsenal
19.45 West Ham - Crystal Palace
20.00 Hudders­field - Li­verpool