Granskarar á trimum teimum tídningarmestu universitetunum í Venezuela, Simón Bolivar University, Andrés Bello Catholic University og Central University of Venezuela hava gjørt kanningar, sum vísa, at fólkið als ikki fær tann mat teimum tørvar og at trupulleikin er vaksandi.

Kanningin er gjørd hvørt ár síðan 2014 og vísur at tað er alt ov lítið til av mati til øll. Stjórnin letur handlum pakkar við mati, sum skulu seljast fyri ávísan prís. Men nøgdin er til 12 mió. av teimum  31 mió. sum búgva í Venezuela.

Kanningin vísur eisini at tær vørur, sum fólkið vanliga hevur eti fyri at fáa tað teimum tørvar ganga undan og tí mangla mineralir og annað. Serliga mais-mjøl og frugt og grønt er lítið til av.

Kanningin vísur, at í 2015 høvdu fólk tapt 5 kilo, í 2016 8 kilo og í 2017 11 kilo. Morgunmatur er tann máltíð sum oftast verður umlopin. 61% svaraðu at tey fóru svong í song.

Kanningin sigur eisini frá um mammur, sum noyðast at velja hvat av børnunum skal fáa mat og hvat barn ongan mat fær.

Kanningin er gjørd við at spyrja 6.148 húski. 

Kanningin sigur eisini at 87% av fólkinum livur undir fátakramarkinum. 

Ein orsøk til at tað ber til at halda áfram við somu politisku leiðslu er ivaleyst eitt ID kort, sum kom einasta ár og sum 12 mió. hava. Hetta er ein treyt fyri at fáa matpakkar frá tí almenna. Kanningin nevnir hetta sum eina møguliga orsøk til hvat fólk atkvøða.

Venezuela eigur meira olju í undirgrundini enn nakað annað land í heiminum.