Um jørðin er útpínd av at hava havt nógva úrtøku í fleiri ár ella hevur fingið ov nógv gift og kunsttøð, so er týdningarmikið at tilføra lívrunni, ella organiskt, tilfar. Vit kunnu ikki bara taka úr jørðini, men mugu eisini minnast til at geva aftur, sigur Rakul Arnfríð Dam, plantualari, í sendingini Rák. Hon sigur at ein orsøk til at reyðmaðkurin hvørvur er tí at jørðin er troytt og útpínd.

Tað besta at fáa lív aftur í útpínda jørð er rossatøð. Hetta brúka tey á gróðurstøðini og har stórtrívast maðkar, sigur Rakul Dam. 

Reyðmaðkurin hevur góða ávirkan á moldina. Hann blandar moldina og ger, at væta og luft seta niður so moldin gerst betri. Latínska navnið fyri reyðmaðkin er lumbricus terrestris.