Tunnilsfelagið, sum eigur Eysturoyar- og Sandoyartunnilin, er við at koma í fasta legu.

Skuldin var upprunaliga 2,6 mia. og nú felagið hevur goldið onkrar avdráttir, er skuldin nærri 2,5 mia. Hetta eru nógvir pengar nú rentan seinastu 2 árini er hækka nógv. Av tí at felagið tók lán við fastari rentu, sum er 2,73% so sparir tunnilsfelagið nógvar pengar í hesum døgum. Stjórin, Teitur Samuelsen upplýsti at tað helst er á leið 60-70 mió. árliga.

Ferðslan í Sandoyartunnlinum er størri enn mett frammanundan. Ferðslan í Eysturoyartunnlinum er tó lægri enn mett, tó at hon veksur spakuliga.

Landskassin tryggjar tunnilsfelagnum inntøkur. Tað merkir, at landskassin skal gjalda tað sum manglar í. Tí ber til at siga, at í hesum døgum sparir landskassin 60 mió. tí Tunnilsfelagið valdi fasta rentu.