Fyri stuttum vóru eini sethús innlokaði á Eiði. Húsini eru gjørd við sokallaðum byggiblokkum. Tað er eigarin av húsinum, sum stendur fyri byggingini.

Tað er skjótari við blokkum. Samanborið við at byggja eftir siðbundnu hættunum, er tað nógv skjótari við hesum byggiblokkunum.

At seta eini vanlig sethús upp, tekur bara eina til tvær vikur, hjá royndum fólki. Tá eru veggirnir eisini liðugt stoyptir, siga teir hjá vind.fo 

Teir siga, at blokkarnir eru lættir at byggja við. Blokkanir verða settir saman, á sama hátt sum vit kenna frá LEGO blokkunum. Blokkarnir læsast sjálvir, og kunnu tillagast soleiðis teir passa við tekningarnar. Teir kunnu tillagast og sniðgevast við vanligum handverkaraamboðum.

Blokkarnir eru gjørdir úr Styropor (eisini kent sum EPS ella flamingo), sum vit kenna frá gólvbjálving, pakkitilfar, o.l. Tað Styropor, ið verður nýtt til blokkarnar, er eitt sindur annaðleiðis, tí tað hevur størri tættleika. Hetta merkir, at blokkarnir eru sterkari, og at teir tola stóra trýstið, tá ið betong verður fylt í teir - samstundis sum teir bjálva væl. Í mun til nógv onnur sløg av bjálving er EPS eitt gott val.

Undir framleiðsluni av blokkunum verður munandi minnið CO2 nýtt, tí arbeiðshitin fyri EPS ikki er serliga høgur. Eisini verður EPS, eftir lidna nýstlu, endurvunnið til nýtt EPS, ella brent. Brenningin er ikki meira skaðandi fyri umhvørvið enn olja og bensin, tí EPS er framleitt úr 98% luft og 2% av olju. Umframt hetta, sparir EPS umhvørvið fyri nógv CO2 orsakað av sínum frálíka bjálvingarvirði.

Teir hjá vind siga, at blokkarnir kunnu samansetast júst so sum kundin ynskir, við heilt fáum avmarkingum. Tá blokkarnir eru samansettir eru útveggirnir rættiliga tættir - og halda tí hitanum inni í húsunum. Byggiblokkarnir bjálva so mikið væl, at húsið kann sammetast við eitt láorkuhús. Vit hava eisini veitt byggiblokkar til eini sethúsini á Strondum, sum standa í gerð, siga teir hjá Vind.fo.