R7 hevur vitjað á Tvøroyri seinastu dagarnar. Í morgun fóru vit inn á gólvið í Naddoddaneystinum, har menn vóru komnir saman at hugna sær. Teir sótu uttanfyri í sólini og nutu góða veðrið.
Sendingin NOVA, sum verður send úr Suðuroy hvønn mánadag, hitti Viberg Sørensen, sum er formaður í Naddoddafelagagnum til eitt prát um sjálvt neystið.
Í samrøðuni sigur hann skemitiga, at tað eru teir gráhærdu, sum sita í nevndini, tí tað er so ringt at fáa yngri fólk í nevndina.
Tann samrøðan kann hoyrast í sendingini NOVA mánadagin í millum 13.00 og 15.00. Vit nýttu høvið at taka nakrar myndir í hugnaliga umhvørvinum.