“Tann, ið ikki lærir av søguni, er dømdur til at endurtaka hana.” Hesi væl kendu orðini hjá Santayana komu mongum søgufróðum til hugs, tá ið stórtíðindini bórust, at toppfundur skuldi vera millum Trump og Kim Yong-un.

Kim dynastiið í heimsins mest lokaðu og sosialistisku fangalegu, Norðurkorea hevur snýtt fleiri amerikanskar forsetar áðrenn Trump. Teir tríggir, abbin Kim Il sung, sonurin Kim Jung-il og (mundi sagt “heilagi andin” hjá vinstrahallum), men vit siga abbasonurin, Kim Yung-un hava logið og snýtt við avtalum fyrr.

Í 1989 lovaði Kim Il-sung George H.W. Bush 1 at av-atomisera Norðurkorea. Gamli Bush var upp í loft av gleði og rindaði gamla Kim milliardir afturfyri. So breyt Kim avtaluna, men tá hevði hann flotað sín sosialistiska búskap við $$$.

Í 1992 avráddi Pyongyang við Seoul um avdubbing, og Seoul rindaði miljardir.

Í 1994 kíkaði Bill Clinton agn og húk hjá Kim Jung-il og sendi Jimmy Carter, “henta býttlingin” hjá øllum heimsins sosialistisku diktatorum, til Pyongyang at samráðast, og USA læt aftur mia av $$, men fekk onga avdubbing afturfyri.

Jimmy Carter, lívshættisligur fyri Vesturheimin og næstan líka skaðiligur sum Hussein Obama, segði, at NK, at Pyongyang minti seg á WallMart í Atlanta!

Yngri Bush ivaðist, hvat var frægari, at fyrireika atomkríggj fyrr ella seinni. Tí vaksandi hóttanini hava Suðurkorea, Japan, Taiwan og USA livað við síðan.

Trumpur hóttir við báli og brandi, um “Little Rocket Man” ætlar at snýta seg sum hinar og fíggja sína fongsulssosialismu við mia $$ uttan atomavdubbing.

Trump trýsti ST við boykotti at tvinga Kim til borðið. Hann trýsti Kina, ið snýtir USA við patent-, loyvis-, upphavsrættar-, gjaldoyrasviki og almennum vinnu-stuðli, so Kina gavst at halda sínum sosialistiska drápsbróður í NK uppi.

Men eingin skal billa sær inn, at Kim Jung-un fer at sleppa kjarnorku sum lívsgrundrlag undir sínum sosialistiska harðræði yvir 20 mió trælum. Uttan kjarnorkuvápn verður einki Norðurkorea. Heldur ætlar Kim at “blackmaila” kapitalistiska Suðurkorea við 20 ferðir ríkari búskapi at fíggja sína sosialismu.

Eingin hvítur maður er so bláoygdur, at hann væntar, at sosialistiska Nobel-nevndin beinir fyri galdandi “religión” og gevur “Belsebub” friðarvirðislønina.