ICES hevur í dag almannakunngjørt sínar tilráðingar fyri fiskiskap eftir Toski, Hýsu og Upsa fyri 2019.

Tilmælið fyri tosk og hýsu eru munandi øking í tilráddu veiðuni. Seinasta ár tilráddi ICES at vit fiskaðu 4.579 tons av toski. Tilráðingin fyri 2019 er 10.180 tons. Tað er ein øking á meira enn 124%

Fyri hýsu er ICES tilráðingin fyri 2019 at vit kunnu fiska 5.078 tons. Fyri 2018 var tilráðingin 4.570 tons. Tí er tilráðingin ein øking á 11%.

Hesi tilmælið skulu so umroknast til dagar. Og tá vit hava brúkt munandi fleiri dagar enn tilmælini hava verið, so er ivasamt um tað verða fleiri fiskidagar komandi ár. Men tað óvanliga í tilráðingini er, at hon er hægri enn tey tonsini vit hava fiska. Tí má roknast við, at dagarnir verða fleiri enn teir sum brúktir eru.

Fyri upsa er tilráðingin at minka veiðuna í 2019. ICES heldur at veiðan skal verða 27.280 tons. Í 2018 tilmælti ICES at vit fiskaðu 35.00 tons. Tí er tað ein munandi minking á umleið 20%. Men vit hava ikki fiskað so nógvan upsa seinastu árini. Vit fiskaðu 30.000 tons í 2017 og teir sum fiska upsa siga, at tað er ikki so nógv til av upsa. Vit hava higartil í ár fiska minni av upsa so veiðan verður neyvan meira enn tilráðingin hjá ICES á 27.000 tons. Roknast kann tí við á leið óboyttum fiskidøgum eftir upsa. Men nú teir skulu hava kvotu, verður tað sjálvandi ein trupulleiki. Ti nú minkar kvotan 20% í mun til tað, sum rokniarkini í fiskimálaráðnum vístu. Tí verður tað heilt víst ein dyggur smeitur fyri fleiri trolarar.