Bretland fer at gjalda einsaklingum neyðhjálp í reiðum peningi
Bretska stjórnin hevur longu roynt og fer hereftir at gjalda fátækum familjum menningarhjálp eftir tí, tey nevna “cash points”, peningastigum.
Hesin peningur verður altso ikki goldin landanna myndugleikum, verkevnum ella hjálparfelagskapum, men familjum eftir, sum tey hava uppiborið peningin.
Bretland hevur gjørt fyrstu royndirnar við hesum gjaldshátti av neyðhjálp, og goldið 1000-tals familjum “kasj” í t.d. Uganda, Kenya, DRC, Mali og Pakistan.
Konservativa stjórnin í London hevur játtað £ 77 mió (= 700 mió kr) til 1000-tals fátækar sýriskar familjur, ið duga væl at umsita pening í legum í Libanon.
Bretski altjóða menningarráðharrin, Penny Mordaunt, sigur, at hesin máti at lata neyðhjálp tænir Bretlandi, tí at hann røkkur fleiri ferðir longur og ger móttakarum nógv størri gagn enn størri upphæddir, játtaður á vanligan hátt.
Men aðrir politikarar, eisini fleiri Tories, halda, at hesin hjálparháttur er tað sama sum at útflyta arbeiðsloysisgjald til fólk fyri einki arbeiði at gera afturfyri.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur