Prestur letur kaffistovu upp
Í hesum gamla bústaði frá 1890 á Viðareiði, verður kaffistova í summar. Hon verður eftir ætlan opin frá 23. juni til 28. juli. Opið verður hvønn dag frá kl 13-19.
Vit hava tosað við annan eigaran, Sverra Steinhólm, sum vit kenna best sum prest. Sverri sigur, at tey - hann og kona hansara, Armgard - keyptu húsini í 2006.
- Vit hava hvørki tilknýti til húsini ella familjubond til tey, sum hava átt tey og búð her.
Tað er alskurin til tað gamla og áhugin at varveita sum dregur. Húsini eru 17 metrar long og hava tríggjar stovur, sum er í uppruna standi. Tó varð nakað bygt uppí húsið í 1927.
Sverri silgdi sum kokkur, áðrénn hann bleiv prestur, so tað verður eigarin sjálvur sum stendur fyri matgerðini á Viðareiði. Spurdur um hann nú hevur ætlanir at skifta starv, sigur Sverri, at hansara fimm vikur langa feria frá prestastarvinum verða brúktar á Viðareiði og so fer hann aftur í vanliga starvið.
Gjaldsskipanin í kaffistovuni er annarleiðis enn vit vanliga uppliva. Kostnaðurin fyri at koma innum dyrnar er 100kr fyri hvønn vaksnan og 50kr fyri hvørt barnið. Komin innum kunna tit eta og drekka sum tykkum lystir av øllum drekkandi og heimagjørda matinum, sum Sverri sjálvur stendur fyri. Í sama viðfangi er eitt upplagt høvi til at ganga rund í snotuliga húsinum og droyma seg til hvussu lívið var fyri 128 árum síðani.
Pláss er fyri 15 til 20 sitandi gestum.
Kaffistovan Uppi í Beiti á Viðareiði hevur ikki og fer ikki at hava skeinkiloyvi, sigur Sverri Steinhólm.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur