Bogi Jacobsen heldur fram sum formaður í Føroya Arbeiðsgevarafelag
Øll nevndin varð afturvald
Føroya Arbeiðsgevarafelag hevur havt aðalfund, og Bogi Jacobsen heldur fram sum formaður. Aðalfundurin var hósdagin í farnu viku.
Fyri vali stóðu Jón Sigurdsson, Høgni Hansen og Árni Ellefsen. Allir vórðu teir afturvaldir, og nevndin heldur fram óbroytt.
Í nevndini í Føroya Arbeiðsgevarafelag sita Bogi Jacobsen, formaður, Høgni Hansen, næstformaður, Kristoffur Laksá, Atli Gregersen, Fróði Magnussen, Jens Meinhard Rasmussen, Odd Eliasen, Jón Sigurdsson og Árni Ellefsen.
Á aðalfundinum legði Bogi Jacobsen fram ársfrágreiðing felagsins. Umframt at kunna um gongdina í ymsu vinnugreinunum setur Føroya Arbeiðsgevarafelag í ársfrágreiðing síni hesuferð serliga ljós á
- manglandi vinnupolitikkin,
- at tað er neyðugt at lofta møguleikunum í ferðavinnuni,
- kappingarføri Føroya.
Meira kann lesast um hesi evni á heimasíðuni hjá Vinnuhúsinum.
Mest lisið í farnu viku
Samband
Heygsvegur 8
490 Strendur