Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Tónleikabarnagarður á Frúutrøð

Innanlands, Lesarabrøv | 29/06-2018 16:50

Á Frúutrøð stendur ein býarmynd, ið skjótt letur vegg til seinasta tónan. Tí í næsta ár flytur musikkskúlin - børnini, lærararnir og ljóðførini í nýggjan og nógv størri skúla úti í vesturbýnum, og so vil meirlutin í býráðnum, at býarmyndin skal jarðast við jørðina. Eyðkendi bygningurin, ið áður var fólkaskúli, er við árunum tillagaður tónleikaundirvísing, har eitt nú ljóðviðurskiftini eru betrað, so tey eru hóskandi til sang og spæl.

Tey árini eg sat í musikkskúlanevndini lótu øll sera væl at umstøðunum og umhvørvinum í og uttanfyri bygninginum, tó musikkskúlin varð vaksin út um karmarnar fyri langari tíð síðani.

Bygningurin er umvældur fyri nøkrum árum síðani, og er góður og væl hildin. Uttanfyri er ein stórur veðurgóður garður við vakrari grasfløtu við altíð so flottum blómum. Stutt er oman á Skansan og í fjøruna. Vælhildin beð við runnum og trøum umkransa vælrøktaða og vælvitjaða stóra parkeringsøkið, sum Havnin hevur alt ov fá av. Tí er tað spell, at bygningurin nú verður søga. Hinvegin stórgleðast vit um, at vit gerast fleiri borgarar í kommununi og serliga, at barnatalið er nógv vaksið. Stóra avbjóðingin hjá politikarunum í Tórshavnar býráð er nú at útvega bráfeingisansingarpláss. Umsitingin metir, at umleið 160 børn fara at mangla barnaansing innan stutta tíð.

Á framløgu á býráðsfundinum 20. juni, har eg var inni sum varafólk fyri Heðin Mortensen, varð sagt, at nógv tann størsti tørvurin á barnaansing er í miðbýnum. Tí undar tað meg, at meirlutin í býráðnum fyrr í ár avgjørdi at bjóða Frúutrøð út til íbúðarbygging og sostatt skapa nógv størri tørv á barnaansing í longu sperda økinum. Við einum pennastroki avgjørdi meirlutin at jarðleggja góða skúlan, læknaviðtalurnar, garðin og parkeringsøkini. Kanska ikki so løgið, tá nú sama býráð í óðamannaverki reiv niður dagstovnin í Gundadali og jarðlegði fleiri av barnaansingarplássunum og allarbesta spæliplássið í kommununi.

Kommunan eigur góðu bygningarnar og alt Frúutrøð. Hettar eru bygningar og parkeringspláss, sum kosta nógvar milliónir at útvega av nýggjum. Milliónir, sum vit skattgjaldarar longu hava rindað fyri. Tí skylda vit at spyrja okkum sjálvi, um musikkskúlin kann brúkast eitt nú til barnagarð. Kommunan hevur í nógv ár tillagað alskyns bygningar til dagstovnar og er serkøn til júst tað. Tí man tað ikki verða nøkur tung uppgáva hjá dugnaligu umsitingini at tillaga musikkskúlan til ein góðan barnagarð. Sum politikarar skulu vit vera framsíggin og nýhugsandi, men vit skulu allarfyrst duga at endurnýta og byggja upp á tað, sum er frammanundan – við virðing fyri teimum undan okkum, við virðing fyri umhvørvinum og fyri ikki at oyðsla við skattakrónunum. Vit eiga ikki einans at duga at fáa sum mest og best burtur úr skattakrónunum men eisini at skilja ímillum rætt og skeivt. Tí at tað er ikki rætt at jarðleggja fullgóðar bygningar og parkeringspláss. Hettar er ein brúka-og-blaka-burtur mentalitetur í stórformat, sum kommunan ikki eigur at ganga á odda fyri. Tí vil eg inniliga heita á sitandi meirluta í býráðnum, um at gera Frúutrøð til ein tónleikabarnagarð, og sostatt geva børnunum ein fantastiskan møguleika at vaksa upp við nógvum tónleiki í einum umhvørvið, ið er serútgjørt til tónleik. Í sama viðfangi vil eg heita á býráðið, um at finna eitt nýtt øki í býnum til ta frálíku íbúðarverkætlanina, sum fyriliggur.

Bjørg Dam

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Menningarkvotan í Vestmanna í vanda
Prát við Jóan Paula í Geil
Segði Rigmor Dam ov nógv um tíðindaleiðaran?
Samgongulimur: Tunnilin til Fámjins verður boðin út í morgin
Fuglafjarðarsendingin (3) - 20. sept. 2018
Jónfinn valdur til " ársins Vestmenning ", er staddur í Mauritania
Vestmannadagar: Veðrar úr Góðmansskor á uppboðsølu - veðrur fór fyri  6.500 kr
Kristin Michelsen misnøgdur við raðfesting­ina av tunlum
Góður gongutúrur í gjár - "Vestmannadagar" halda fram í dag
750.000 laksar deyðir í Sundalagnum
Vespureiðrið (90) - 24. sept 2018
Semja við handverkarafeløgini
Samhaldsfasti hækkar 1.045 kr. Lands/­kommunukassar fáa 1.070 kr
Spreinging á Rókini 20/­9-18
Stefan Løfven fallin
Finskur ráðharri í politiskum ódnarveðri tí hann hevur mótmælt fosturtøku
Nógvur vindur í løtuni - bilur tikin av vindi
Opið bræv til Føroya Landsstýri og Føroya Løgting
Eyðun Mørkøre - øll nýtast ikki at búgva í Havn
Hugnaløtan (34) - Gestur: Jeffri Johannesen
Hava funnið Endeavour hjá James Cook
Skuldsettur fyri dráp
Menningar­kvotur kunnu misbrúk­ast uttan avleiðingar
Leggi ikki í at leggja meg út í orðadrátt við Sonju Jógvansdóttir, tingkvinnu
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi