Í nógvum kommunum hava “Ung í arbeiði” fríðkað um í summar, og soleiðis er eisini í Vági.

Har hava tey ungu millum annað verið upp í viðarlundini, har nýtt økið við borði og benkrum er gjørt, soleiðis at vitjandi kunnu njóta løtuna í viðarlundini.

Viðarlundin í Vági liggur omanfyri bygdina og útsýnið bæði vestur á Vágseiði, og út gjøgnum Vágsfjørð, er einastandandi.

“Gøtur eru niðan gjøgnum viðarlundina, hóast tær í støðum eru tungar at ganga. Til ber eisini at leita seg á upplivingarferð inn ímillum trøini í viðarlundini,” skrivar Vágs kommuna.