Fleiri tiltøk til frama fyri umhvørvið eru á skránni næstu tíðina - m.a. altjóða ruddingardagur, sum Rudda Føroyar samskipar kring alt landið 15. september, og ein filmssýning, har innlit fæst í ávirkanina av oljuvinnuni á fiskivinnuna. 

Vit hoyra eisini um, hvussu dálking ávirkar veðrið, havstreymar og lívið í havinum. Um flótandi sjóvarfallsturbinir, sum varandi orkukeldur, ið grannalond hava góðar royndir við. Og, um ósamsvar í umhvørvisvinarligum politikki í Føroyum. 

Í sendingini tosar Annika Bolton Mortensen við Ingmar Valdemarson á Løgmansbø, best kendur frá umhvørvisfelagskapinum Ringrás, og við Elin Lindenskov, frá felagnum Rudda Føroyar. 

Sendingin Rák er á R7 mikudagar kl. 13.