Eitt vísindatoymi hjá ST krevur, at kapitalisman verður avtikin!
Kapitalisman er fokin, lesa vit í eini frágreiðing frá eini ST-nevnd av vísinda-fólkum, ið mæla til eina nýggja og øðrvísi búskaparskipan at bjarga heiminum undan alheims upphiting. Vit mugu gevast at ræna heimsins náttúrutilfeingi.
Veðurbroytingar oyða djóra- og plantusløg, og politisk ómegd førir til ójavna í inntøkum, arbeiðsloysi, til trekan búskaparvøkstur og hækkandi skuld.
Tey siga, at kapitalisman er nú farin yvir til at brúka minni virkna orku til at nøkta neyðuga og óneyðuga nýtslu. Um vit skiftu til varandi orku, hjálpu vit menniskjum at loysa veðuravbjóðingar. Men burðardygg orka megnar fyribils ikki at gera somu orku sum bíligt, vanligt kolvetni, skrivar ST-vísindanevndin.
Skjótt skifti til nýggja búskaparskipan krevur proaktiva almenna stýring, tí fríir marknaðir klára ikki at røkka málinum at avtaka og skifta kapitalismuna út, skrivar ST-vísindatoymið í frágreiðing til ST-aðalskrivaran, Guterrez.
Men 2 vísindamenn, Allan MacRae og Joseph D’Aleo, mæla hart ímóti hesi niðurstøðuni hjá ST og við hvøssum orðum: Teir siga, at 85% av allari orku í heiminum kemur frá kolvetni (gassi, olju og koli), og grøn orka hevði einki verið uttan miljarda studning hvørt ár og tvingað lógarááløgd nýtsla omaná.
Bert fá lond hava nokk av vatnorku, og økofasistar hata vatn- og kjarnorku. Uttan kolvetni høvdu flestu fólk í framkomnum londum fryst og svøltað í hel. CO2 ger lítlan mun í upphitingini, men økir plantuvøkstur, avgrøði og mat.
MacRae og D’Aleo leggja aftrat, at skilvís fólk skuldu vraka grønt orðabrask. Hetta er ein annar skortur fyri politisku og búskaparligu dagsskránna hjá ytsta vinstra, sum í 19. øld var atvold til, at alment stjórnarvald drap 100 mió fólk.
Allan MacRae vísir á, at WHO spáar, at 120 mió fólk doyggja í fátøkum londum áðrenn 2050 av at anda royk í seg, tí økofasistar í ríkum londum noyða tey at gera mat á opnum eldstaði við turrari djóramykju og brenniviði.
1 mió fólk doyggja um árið, tí teirra matur vantar A-vitamin. Økofasistar nokta fólki í fátækum londum at velta og eta genbroytt (“gult”) rís. 5 mió fólk um ekvator doyggja av malaria árliga, tí økofasistar nokta teimum at brúka DDT.
Við hetta lag klára ør “grøn” vinastravend at drepa fleiri fólk í 21. øld, enn ørir internationalir- og nationalsosialistar drupu við teirra kríggjum í farnu øld.
Mest lisið í farnu viku
Samband
Heygsvegur 8
490 Strendur