Kringvarp Føroya og “Fake News”

KvF kundi eins væl itið “Landsvarpið”, tí helst fær tað 80 mió kr (4 ferðir meir enn allir hinir føroysku miðlarnir samanlagt) næsta fíggjar(val)ár til tess at sósa føroyingar inn í sína politiskt korrektu lands- og heimsfatan.

Fagurlátna brosið á flutta tíðindaleiðaranum og uppvendu tumlarnir á hennara “alter ego” (“the beauty and the beast”) síggjast ikki nógv nú (fyribils kanska).

Ein “palasskollvelting” (fyribils kanska) er hend í Sortudíki, so kortini (áleið somu kort sum fyrr) eru blandað eitt sindur øðrvísi. Men annars er lítið broytt.

LGBT, ímynd av mannarættindum, er víðkað til at umfata tey tvørkyndu (0,1% av fólkinum). Føroysk skúlabørn duga nú betur tað evnið enn mun á Selatrað og Senegal og hvat 7x4 er. Næst vinna tey pedofilu heiðurssess í rørsluni - sum í fleiri londum. Pávin, (frælsisgudfrøðingur) skreiðir fremst á glíðibreytini til globala lukkulandið.

Amerikanska sendikvinnan slapp at úttala seg rósandi um Trump. Men KvF sjálvt avsannaði hana dagin eftir, at Trumpur fær ikki ta undirtøku, ið hon helt uppá.

Tann brennandi spurningurin um 90% útspilling av Trump í amerikanskum fjølmiðlum varð ikki settur, tí so kundi onkur borgarligur skattfíggjari av tí lagghalla KvF blunda og sammett NBC/CNN/CBS/ABC/MSNBC við KvF.

Nú vit eru við USA, kundi ein nevnt tann í KvF endurtikna stubban um ein hvítan løgreglumann í Texas, ið hevur skotið ein svartan (vápnaðan?) drong. Hví nevnir KvF ikki, at ein hvítur amerikanskur løgreglumaður í miðal verður 18 ferðir meiri sannlíkt skotin av svørtum drápsmonnum enn øvugt, ella at 90% av 8.000 árliga dripnum svørtum verða skotnir av øðrum svørtum, 17-35 ár?

KvF er lítið broytt, men dugir nú betur enn Weihe og Lamhauge at dylja sína politisku dagsskrá. Umboð fyri samgongu verða drigin fram á skíggjan og í mikrofonina 10 ferðir meir enn andstøðan (Fólkaflokkurin er sum lundi á jólanátt)

Tann anonyma Klettskarð (svigarinnan) er pussað av sum aðalpromovør av tunlum norður um Fjall. Sverri Hansen (Che-økonomur) brúkar silkihandskar til oyðslið hjá samgonguni, men hartar Havnar býráð fyri ikki at lækka skattin! (Nær mælti hann seinast til at lækka nakran skatt?)

Men óttast ei, Føroya fólk. Vit eru í tryggum hondum. KvF hevur sett “vakt yvir pressuni” við Wintereig (valevni hjá VMF og Tjóðveldi). Nevndi nakar úlvin, ið verjir seyðin? Er hetta politiska starvið lýst leyst, ella melur svinghurðin bara sum vant?