Telefonbann í fronskum skúlum
Fronsk skúlabørn eru sum onnur farin aftur í skúla, men skúlagongdin er nógv broytt, serliga tí franska stjórnin hevur við lóg bannað snildfon á skúlaøkinum.
Ikki tí, ein lóg ímóti at brúka snildfon í tímanum hevur verið í gildi síðan 2011. Nú er lógin víðkað til at galda alt skúlans øki hjá børnum upp til 15 ár.
Lógin er ætlað at stuðla børnum at hugsavna seg í tímunum, at forða telefonspølum, at steðga happing og útbreiðslu av porno og sex-teksting.
Macron forseti hevur lagt doyin af fáa lógina samtykta, tí hon skal “aveitra,” (“detox”) skúlaungdómin. Franski forsetin er sannførdur um, at snildfonin ger fólk, vaksin og serliga børn, bundin at telefonini, ið er sum eitt slag av drøgg.
Hann lovaði at gera júst hetta í valstríðnum, og hann ætlar at halda vallyftið.
Mannaminnið er sum ein vøddi. Jú meiri vit brúka og líta á okkara minni, jú betur gagnnýta vit henda partin av heilanum, ið mistrívist hjá fonmisnýtarum.
Nú verður so upp til hvønn skúla sær at avgera, hvussu tey umsita og halda lógina um snildfonbann í øllum fronskum barnaskúlum og framhaldsdeildum.
Tey, ið ivast í ella eru ímóti lógini, føra fram, at lærarar hava ikki heimild til at leggja hald á snildfonir hjá fólki. So tað kann gerast trupult at halda lógina.
Mest lisið í farnu viku
Samband
Heygsvegur 8
490 Strendur