USA minkað sítt CO2 útlát mest av øllum heimsins londum
BP Statistical Review skrivaði herfyri, at USA er tað av heimsins londum, ið hevur minkað sítt útlát av CO2 mest. USA, sum ikki undirskrivaði Kyoto, ikki ásetti nakran kolvetnisskatt, ikki hevur eina býtis- ella handilskipan við útláti.
USA, hvørs forseti tók USA úr Parísavtaluni um veðurlag, tí at framkomin lond skuldu gjalda heimsins “pestholum” $ 100 mia hvørt ár til mutur og skutur. USA, hvørs búskapur vaks 3% í 2017, hevur kortini minkað sítt CO2 útlát.
Stephen Moore, prof.i í búskaparfrøði, skrivar, at fremsta orsøk til minkingina, er, at USA í vaksandi mun pumpar gass og olju úr skiferfláum, ið gevur minni CO2 enn vanlig olja. Nú útflytir USA olju, og eisini kol til Kina.
Kina er tað heimsins land, ið luftdálkar mest. Smbr. Institute for Energy Research framleiðir Kina 28% av øllum heimsins CO2. India er 3.størsta og hevði heimsins 2.størsta vøkstur í CO2 útláti, 2 ferðir størri enn tað hjá USA.
So, líkamikið hvussu nógv USA minkar sítt útlát, ger tað ongan mun, tí hvørki Kina ella India ætla nakað annað enn at økja sítt útlát. Segði nakar kávalæti?
Tað skendska við Párís-avtaluni, sum Obama strongdi á at binda USA til, var, at USA skuldi aksla størsta árliga gjaldið til hini limalondini. Kina og India skuldu sleppa undan at gjalda eina krónu inn í grunnin fyrrenn fyrst í 2030.
Obama gjørdi eisini hetta lokabragd til at tvinga USA at brúka pening til onnur lond, serliga tey tilafturskomnu, ið eru ránsmannabølum uttan krøv um bata.
Kann nakar finnast at Trump fyri straks at melda USA úr París-avtaluni?
Smbr Climate Action Network Europ heldur einki ES-land París-avtaluna. Bert 5 av 28 ES-londum klára helvtina av tí, tey bundu seg til. Skamm fái.
So her hava vit tað: Londini í París-avtaluni hava brotið hvørt lyfti, tey góvu, og bert USA, ið ikki hevur undirskrivað avtaluna, klárar málsetningin.
Øll hini londini brúka sálvumikið kjaft um Trump, ið hevur lovað amerikanum, at USA ikki longur verur sparigrísurin, ið ES, Kina o.o. lond í heilum ræna. Tey hava tollmúrar móti tí tollfría USA til nú, tá ið Trump ikki tímir meiri.
USA hevur borið 1000-tals mia hall í millumhandli við heimin. Nú er vell!
Mest lisið í farnu viku
Samband
Heygsvegur 8
490 Strendur